Su'aalo iyo Jawaabo'Aqoon guud iyo Diini Ka Kooban, Qeybtii Saddexaad.

QAYBTA SADDEXAAD: SU’AALO KU SAABSAN DALKA IYO DADKA SOOMAALIYEED
(85)
S216: Sheeg magaca saddexan ee halgame Xalane, meesha uu ku geeriyooday iyo
            sanadkii  uu geeriyooday?
J216: Waa Max’ed Cabdulle Xalane waxa uu ku geeriyooday Tog Wajaale sanadkii 1964.
S217: Sheeg magaaladii uu ku dhashay halgame C/llaahi Ciise iyo sanadkii uu dhashay?
J217: Waxa uu ku dhashay magaalada Afgooye sanadkii 1922kii.
S218: Sheeg magaaladii uu ku dhashay iyo sanadkii uu dhashayba C/rashiid Cali Sharma’arke?
J218: Waxa uu ku dhashay Magaalada Xarardheere sanadkii 1919kii.
S219: Sheeg Magaaladii uu ku dhashay Jeneraal Daa’uud Cabdulle Xirsi?
J219: Waxa uu ku dhashay Magaalada Mareeg.
S220: Sheeg magaca hay’addii ay hoos tegi jirtay Kooxdii Fanka ee Xusuus?
J220: Waxa ay hoos tegi jirtay Xiriirka Shaqaalaha Soomaaliyeed.
S221: Sheeg magaca hay’addii uu hoos tegi jirey Naadigii Jeenyo LLPP?
J221: Waxa uu hoos tegi jirey Wasaaradda Hawlaha Guud iyo Guryeynta.
S222: Sheeg magaca Abwaankii curiyey Riwaayaddii “Hablayahaw hadmaad guursan
           doontaan?
J222: Waxaa curiyey Max’uud Tukaale Cismaan.
S223: Sheeg Magaca Abwaankii curiyey Riwaayaddii “Xiddigtii is Xujaysay”?
J223: Waxaa curiyey Axmed Naaji Sacad.
S224: Sheeg magaca Gabyaagii curiyey tuducyada soo socda:
Nin Ugaas walaalkii yahoo eeday baan ahaye
Nin ilo biyood soo arkoo oomman baan ahaye
J224: Waxaa curiyey Raage Ugaas
S225:Sheeg maalintii, bishii iyo  sanadkii ay Soomaaliya ku biirtay Jaamacadda Carabta?
J225: Waxa ay ku biirtay 14kii Febraayo 1974kii.
S226: Immisa gobol ayey ahaayeen tirada gobollada dalka ka hor xukuumadii Kacaanka?
J226: Waxa ay ahaayeen 8 gobol.
S227: Sheeg Magaca qoraaga Soomaaliyeedbee qoray Buugga “Taariikhda Daraawiishta”
J227: Waxaa qoray Aw Jaamac Cumar Ciise (A.N).
S228: Sheeg magaca aqoonyahankii hindisay qoraalka farta Soomaaliga ee aan adeegsanno?
J228: Waxaa hidisay Axmed Shire Jaamac.
S229: Sheeg magacyada laba dawladood oo ku yaal qaaradda Afrika colaadna ay u
          dhaxeysay, hase yeeshee dawladdii kacaanku ay heshiis dhex dhigtay?
S229: Waa labada dawladood ee Ugaandha iyo Tanzaaniya.
S230: Sheeg magaca gabyaaga tiriyey tuducyada soo socdo:
Dhalashada afkaygiyo
Dhigashada fartaydaan
Kaga baxay dhibaatoon
Hawlihii ku dhaafee
Iyadaa dhaqaalaha
Dhidibbada u aastoo
Dheelliga u diidaye
J230: Waxaa tiriyey Max’ed Ibraahin Hadraawi.
S231: Sheeg magaca guddoomiyihii gobolka Banaadir ee ugu dambeeyey Xukuumaddii
           Kacaanka?
J231: Waxa uu ahaa Sayid Cumar Xaaji Max’ed.
S232: Goorma ayuu dhacay dagaalkii la magac baxay Jidbaale ee u dhaxeeyey
          Dhaqdhaqaaqii daraawiishta  iyo gumeystihii Ingiriiska?
J232: Waxa uu dhacay sanadkii 1904.
S233: Sheeg magacyada saddex dawladood oo loo xilsaaray kormeerka xornimo gaarsiinta Soomaaliya?
J233: Waxa ay ahaayeen dawladaha Masar , Filibiin iyo Kolombiya.
S234: Sheeg sanadkii la diley Kamaaludiin Saalax ergaygii dalka Masar u qaabilsanaa    Xornimo gaarsiinta Soomaaliya?
J234: Waxaa la diley sanadkii 1957kii.
S235: N.P.P.P.P Waxa uu ka mid ahaa xisbiyadii jirey xornimada ka hor. Sheeg erayada
           Luuqadda Ingiriiska ee laga soo gaabiyey?
J235: Waxaa laga soo gaabiyey “Northern  Province People’s Progressive Party”
S236: Sheeg magaca Wasiirkii Arrimaha Gudaha Xukuumaddii Daakhiliga 1956kii?
J236: Waxa uu ahaa Muuse Boqor Cismaan.
S237: Sheeg magaca guddoomiyihii ugu dambeeyey ee gobolka Bari Xukuumaddii
         Kacaanka?
J237: Waxa uu ahaa Cumar Xaashi Aadan.
S238: Sheeg magaca Naadigii uu u ciyaari jirey Ciyaaryahan Max’ed Ismaaciil?
J238: Waxa uu u ciyaari jirey Naadigii Horseed.
S239: Sheeg magacyada laba goobood oo ka mid ah gobolka Sh/Hoose oo ay dejisay
           Xukuumaddii Kacaanka dadkii ka soo barakacay abaartii daba dheer?
J239: Waxaa la dejiyey Kurtun waarrey iyo Sablaale.
S240: Sheeg magaca Abwaanka curiyey Riwaayaddii “Waa Maadeys Adduunyadu
          Dadkuna way metalayaan?
J240: Waxaa curiyey Max’uud C/llaahi Sangub.
S241: Sheeg gabyaaga tiriyey tuducyada soo socda:
Gardarrada sokeeyaha rag baa gees biciid u lehe
Gudcurkiyo caddadu waa walaal kalase guul roone
Gaadiid noo dhaanshuu ahaa gibil ma diidiye
Guraduu na saari jiraan goconayaa mooyi.
J241: Waxaa tiriyey Cali Jaamac Haabiil.
S242: Sheeg Maalintii, bishii iyo sanadkii la aasaasay Xisbigii Hantiwadaagga Kacaanka
           Soomaaliyeed?
J242: Waxaa la aasaasay 1dii July 1976kii.
S243: Sheeg sanadkii lagu qabtay Magaalada Muqdisho Shirweynihii Ururka Midowga
         Afrika isla mar ahaantaana Soomaaliya la wareegtay hoggaanka Ururkaas.
J243: Waxaa lagu qabtay sanadkii 1974kii.
S244: Sheeg magaca Safiirkii ugu dambeeyey ee Xukuumaddii Kacaanka u fadhiyey dalka
          Jarmalka Galbeed?
J244: Waxaa u fadhiyey Xasan Abshir Faarax.
S245: Sheeg magaca guddoomiyihii Baarlamaanka Dawladdii 1968kii?
J245: Waxa uu ahaa Sh. Mukhtaar Max’ed Xuseen.
S246: Sheeg Magaca Wasiirkii Arrimaha Dibadda Xukuumaddii 1964kii?
J246: Waxa uu ahaa C/llaahi Ciise Max’uud
S247: Sheeg sanadkii ay kala saxiixdeen labada dawladood ee Soomaaliya iyo Kenya heshiiskii  ahaa in la joojiyo dagaalka xuduudaha iyo in la soo celiyo xiriirkii diblomaasiyadeed ee labada dal?.
J247: Waxa ay kala saxiixdeen sanadkii 1964kii.
S248: Sheeg Magaca Wakiilkii ugu dambeeyey ee xukuumaddii Kacaanka u fadhiyey
            Qaramada Midoobay?
J248: Waxaa u fadhiyey C/llaahi Siciid Cismaan.
S249: Sheeg magaca gabyaaga tiriyey tuducyada soo socda:
Nin salaadda awqaadda faral u addimoonaaya.
Oo dagada oofinayahoo ugubka dhiibaaya
Oo aan afurin soonku waa bilaha iideede
J249: Waxaa tiriyey Sayid Max’ed Cabdulle Xasan.
S250: Sheeg Magaca qoraaga buugga “Taariikhdii hore ee Muqdisho iyo haatan”?
J250: Waxaa qoray Aw Jaamac Cumar Ciise.
S251: Sheeg Magaca hay’addii uu hoostegi jiray Naadigii Kubbadda Cagta ee Waxool?
J251: Waxaa uu hoos tegi jiray Wasaaradda Xannaanada Xoolaha Dhirta iyo Daaqa.
S252: Sheeg magaca Abwaankii curiyey Riwaayaddii “Kibirkii beertaa karfan saaray
            jacaylka”
J252: Waxaa curiyey Axmadey Cabdi Gaashaan.
S253: Sheeg magaca gabyaaga tiriyey gabayga “Shinni Kaaluf galay”
J253: Waxaa tiriyey Raage Ugaas.
S254: Sheeg magaca Naadigii uu gool hayaha u ahaa Karaama?
J254: Waxa uu u ahaa Naadigii Madbacadda.
S255: Sheeg magaca saddexan ee Abwaankii curiyey Riwaayaddii “Yaa u wanqalay waqtiga”?
J255: Waxaa curiyey Yuusuf Max’ed Muumin
S256: Sheeg Sanadkii uu halgame Max’uud Xarbi ku geeriyooday shilka diyaaradeed?
J256: Waxa uu ahaa sanadkii 1960kii.
S257: Sheeg sanadkii uu dhul mareenkii Ibnu Batuuta yimid Soomaaliya?
J257: Waxa uu yimid sanadkii 1331kii.
S258: Sheeg bishii iyo sanadkii la soo gabagabeeyey Ololihii Horumarinta Reer Miyiga?
J258: Waxaa la soo gabagabeeyey bishii Maarso sanadkii 1975kii.
S259: Sheeg sanadkii uu dhacay dagaalkii lagu magacaabi jiray Cagaar weyne ee u dhaxeeyey Daraawishta iyo gumeystihii Ingiriiska?
J259: Waxa uu dhacay sanadkii 1903.
S260: Immisa qof ayaa magacooda koowaad ka billowdaa Max’ed 13kii dhallinyaro
        ee aasaastay Ururkii S.Y.L? Sheegna mid kasta magaciisa oo saddexan.
J260: Waa lix qof waxa ayna kala yihiin:
Max’ed Cismaan Baarbe
Max’ed Cali Nuur
Max’ed Faarax Hilowle
Max’ed C/llaahi “Xayeesi”
Max’ed Xuseen Xaamud
Max’ed Xirsi Nuur “Siidii”
S261: Sheeg magaca saddexan ee Wasiirkii Arrimaha Gudaha Xukuumaddii 1965kii?
J261: Waxa uu ahaa C/qaadir Max’ed Aadan “Zope”
S262: Sheeg magaca saddexan ee Abwaankii allifay Riwaayaddii “Cilmi iyo Caado”
J262: Waxaa allifay Yuusuf Aadan Allaale.
S263: Sheeg magacyada Arbihii iyo Qalanjadii Riwaayaddii “Qabrigii Jacaylka”?
J263: Waxa ay kala ahaayeen Salaad Derbi iyo Seynab Cige.
S264: Sheeg magaca gabyaagii billaabay Silsaladdii Halac – Dheere?
J264: Waxaa uu ahaa Cali Sharma’arke.
S265: Sheeg magaca Abwaankii allifay Riwaayaddii “Carro edeg”
J265: Waxaa allifay Max’ed Nuur Shareeco.
S266: Sheeg magaca Abwaankii allifay Riwaayaddii “15Kii Shumey”?
S266: Waxaa allifay Axmadey Cabdi Gaashaan.
S267: Sheeg magaca Naadigii uu u ciyaari jiray Ciyaaryahan Muriidi Abati iyo lambarkii
          uu xiran jiray?
J267: Waxa uu u ciyaari jiray Naadigii Madbacadda (MBC) waxa uuna qaadan jiray
          lambarka 10aad.
S268: Sheeg magaca Abwaankii allifay Riwaayaddii “Dab jacayl kari waa”
J268:173: Waxaa allifay Xasan C/llaahi Ganey.
S269: Sheeg magaca Naadigii u u ciyaari jiray ciyaaryahan Cumar Calasow iyo lambarkii
           uu xiran jiray?
J269: Waxa uu u ciyaari jiray Naadigii Muqdisho (Munishiibiyo), waxaa uu qaadan jiray
          lambarka 8aad.
S270: Sheeg magaca Abwaankii allifay Riwaayaddii “Xuud baa laqay jacaylkii?
J270: Waxaa allifay Max’uud C/llaahi Snagub.
S271: Sheeg sanadkii uu dhacay dagaalkii Daratoole ee u dhaxeeyey daraawiishtii iyo
          gumeystihii Ingiriiska?.
S271:Waxa uu dhacay sanadkii 1903.
S272: Sheeg labada Naadi ay u kala ciyaari jireen labada Ciyaaryahan ee kala ah Max’ed
         Ibraahin Yarow (Falkaawa) iyo Khaliif (Riiko)?
J272: Max’ed Ibrahin Yarow (Falkaawa) waxa uu u ciyaari jiray Naadigii Batroolka Khaliif
         Riikana waxa uu u ciyaari jiray Naadigii Badda.
S273: Sheeg sanadkii uu dhacay dagaalkii loo yaqaanay Af Bakayle ee u dhaxeeyey
           Daraawiishta iyo gumeystihii Ingiriiska?
J273: Waxaa uu dhacay sanadkii 1901.
S274: Sheeg sanadkii ay mamnuucday xukuumaddii kacaanka cunidda iyo ka ganacsiga
          qaatka?
J274: Waxay mamnuucday sanadkii 1983kii.
S275: Sheeg xubnihii saraakiisha ee dhaliyey Kacaankii Hanti Wadaagga ee Soomaaliya?
          Immisa ayaa ciidanka Milaterga ahayd imisaase Boolis ahayd?
J275: Waxa ay ahaayeen 25 sarkaal, waxaa milateri ahaa 19 xubnood halka 6da kale ay ahaayeen ciidanka booliiska.
S276: Sheeg sanadkii gumeystihii Ingiriisku la wareegay dhulkii soomaalida ee Talyaanigu gumeysanayey?
S276: Wuxuu la wareegay sanadkii 1941kii.
S277: Sheeg sanadkii la aas aasay Ururkii Dhallinyarada Soomaaliyeed (S.Y.L)?
J277: Waxaa la aasaasay 15/05/1943kii.
S278: Sheeg maalintii bishii iyo sanadkii la aasaasay Ciidanka Booliiska Soomaaliyeed?
J278: Waxaa la aasaasay 20/12/1943kii
S279: Sheeg sanadkii gumeystihii ingiriisku Itoobiya ku wareejiyey dhulkii Somaaliyeed ee Hawd?
J279: Waxuu ku wareejiyey sanadkii 1955kii.
S280:Sheeg maalintii ugu horreysay ee la saaray calan soomaaliyeed?
J280: Waxay ahayd 12/10/1954kii.
S281: Sheeg maalintii bishii iyo sanadkii la aasaasay Ciidanka Xoogga Dalka Soomaaliyeed?
J281: Waxaa la aasaasay 12/04/1960kii.
S282: Sheeg xilligii uu madaxweynaha ahaa Aadan Cabdulle Cismaan?
J282: Waxa uu ahaa intii u dhaxeysay 01/07/1960 – 10/07/1967
S283: Sheeg magaca hoggaamiyihii afgembigii dhicisoobay ee Jamhuuriyaddii cusbayd ee Soomaaliya sanadkii 1961kii?
J283: Wuxuu ahaa Xasan Cabdulle “Xasan Kayd”
S284:Sheeg sanadkii uu dhacay dagaalkii ugu horreeyey ee u dhaxeeyey Soomaaliya iyo Itoobiya?
J284: Wuxuu dhacay sanadkii 1964kii.
S285: Sheeg xilligii uu Madaxweynaha ahaa C/rashiid Cali Sharma’arke?
J285: Wuxuu ahaa intii u dhaxeysay 10/07/1967 – 15/10/1969
S286: Sheeg xilligii uu madaxweynaha ahaa Max’ed Siyaad Barre?
J286: Waxuu ahaa intii u dhaxeysay 21/10/1969 – 26/01/1991.
S287: Sheeg  sanadkii la aasaasay Jabhaddii SSDF iyo dalkii lagu aasaasay?
J287: Waxaa la aasaasay sanadkii 1978kii, waxaana lagu aasaasay dalka Itoobiya.
S288: Sheeg sanadkii la aasaasay Jabhaddii SNM iyo dalkii lagu aasaasay?
J288: Waxaa la aas aasay sanadkii 1981kii, waxaana lagu aasaasay dalka Ingiriiska.
S289:Sheeg sanadkii uu shilka gaari ku dhaawacmay madaxweynihii dalka Max’ed Siyaad Barre?
J289: Waxa uu ku dhaawacmay sanadkii 1986kii.
S290: Sheeg sanadkii uu orodyahan Cabdi Bile Cabdi noqday horyaalka oradka 800 mitir ee caalamka?
J290: Waxa uu noqday sanadkii 1987kii.
S291: Sheeg sanadkii la aasaasay Jabhaddii USC iyo dalkii lagu aasaasay?
J291: Waxaa la aasaasay sanadkii 1989kii, waxaana lagu aasaasay dalka Talyaaniga.
S292: Sheeg sanadkii la aasaasay Jabhaddii SPM iyo dalkii lagu aasaasay?
J292: Waxaa la aasaasay sanadkii 1989kii, waxaana lagu aasaasay dalka Itoobiya.
S293: Sheeg maalintii, bishii iyo sanadkii la saxiixay bayaankii la magac baxay “Maana feesto” iyo tirada saxiixayaasha?
J293: Waxaa la saxiixay 30/05/1990, waxaana saxiixay 114 qof oo isugu jira qaybaha kala duwan ee bulshada Soomaaliyeed.
S294: Sheeg maalintii, bishii iyo sanadkii uu magaalada Muqdisho ka billowday dagaalkii sokeeye ee loo yaqaanay afar biloodka?
J294:Wuxuu ka billowday 17/11/1991.
S295: Sheeg maalintii, bishii iyo sanadkii Cali Mahdi Max’ed Shirkii Jabuuti loogu doortay Madaxweynaha dalka?
J295: Waxay ahayd 20/07/1991.
S296: Sheeg sanadkii ay Ciidamadii UNISOM soo galeen dalka Soomaaliya iyo sanadkii ay ka baxeen?
J296: Waxa ay dalka soo galeen bishii disembar 1992, waxayna ka baxeen 05/03/1995.
S297:Sheeg xilligii uu Madaxweynaha ahaa C/qaasim Salaad Xasan?
J297:Wuxuu ahaa intii  u dhaxeysay 27/08/2000 – 14/10/2004
S298: Sheeg xilligii uu Madaxweynaha ahaa C/llaahi Yuusuf Axmed?
J298: Waxa uu ahaa intii  u dhaxeysay 14/10/2004 – 29/12/2008
S299:Sheeg xilligii uu Madaxweynaha ahaa Shariif Sh. Axmed?
J299:Wuxuu ahaa intii  u dhaxeysay 31/01/2009 – 20/08/2012.
S300: Sheeg maalintii, bishii iyo sanadkii Xasan Sh. Max’uud loo doortay Madaxweynaha dalka?
J300: Waxaa loo doortay 16/09/2012.