Maahmaahyo iyo Murti (qaybtii kowaad).

- December 31, 2017

Maahmaah ama murti waa uun xikmad, sidaan ku balanqaadnay maadaama aqristayaal badani jecel yihiin, waxaan garanay inaan qaybta suugaanta ku soo kordhino, qoraalo maahmaaho iyo xikmada Soomaali ah, oo aan wadan hadal fuxshi iyo asluub xumi ah, kuwii diiniga iyo caalamagii ahaana sidoodii bay u soconayaa, markaas waa tan qaybtii ugu horaysay, si joogta ahna waan u sii kordhinaynaa hadba.
1- Aan wada hadalno, waa aan heshiino.
2- Abaal dad galaa badan, dad gudaa se yar.
3- Abaal raaga rag baa leh.
4- Abuur iyo waano ,abuur baa horreysey.
5- Af Daboolan, Dahab waaye.
6- Af jooga looma adeego.
7- Af macaan gacan macaan baa dhaanta.
8-Af wax cunay xishoo.
9- Afkaagoo ku xidha oon ku furin alle goo baa la yidhaahdaa.
10- Afxumo nabad way kaa kaxaysaa, colaadna waxba kaagama tarto.
11-Afkii dab yiri ma guban.
12- Alif kaa xumaaday Albaqra kaagama hadho.
13- Allaah aamine ma iisho.
14- Allaah wate wehel uma baahna.
15- Allow aqoon xumo hannagu cadaabin, eexona hannooga tegin
16- Allow nin aan wax ogeyn ha cadaabin.
17- Ama afeef hore lahow ama adkaysi danbe.
18- Ama faro dufan leh ku qaad ama faro dac leh.
19- Ama waa la muuqdaa ama waa laga maqanaadaa.
20- Ammaano cirkaa diiday, oo dhulkaa diiday, oo Aadmi baa qaatay.
21- Ammaan lama dhu-dhumiyo.
22- Ammaano kugu raagtey yedaa baad mooddaa.
23- Amxaar aragtayaaba Ferenji waa xaaji.
24- Amxaaro madax gumac galay leedahaye madax hadal galo ma laha.
25- Aqal libaax lafo lagam waayo.
26- Af hadlaaba aamus.
27- Atoorku intiisuu guun ku yahay.
28- Arrini waa mid kugu soo booddiyo, mid kugu bariday.
27- Aqoon la’aani waa iftiin la’aan.
28- Aqoon xumo abaar ka daran.
29- Arin nin la toosan, nin la tuur leh.
30- Aroos lagama raago, lagumana raago.
31- Arrad waa dan uskag se waa doqonniino.
32- Awr awr wado iyo nin naagi waddo midna kaama leexdaan.
33- Awrba awrka ka horreeya, ayuu horraan-qaadkiisa leeyahay.
34- Ayax teg eelna reeb.
35- Adigoo banaan arkaaya maxaa babac ku saaraya.
36– Adduun waa hadhka labadiisa gelin.
37- Ama buur ahaw, ama buur ku tiirsanow.
38– Aqooni waa awood.
39– Ammin dumay dib uma soo laabto.
40– Aadane gef lagama waayo.
41– Aammusnaantu waxay astaan u tahay oggolaansho .